Ël bon vin

Una bellissima poesia in lingua piemontese scritta da Don Adolfo Ravetto (1918-2000), già parroco di Folatone nel periodo della resistenza e successivamente maestro nelle scuole elementari di Frassinere, Condove e Bruzolo.

 

Ël bon vin

 

Signor, la vita

l’é faita ‘d sagrin

për nen fé j’armita

beivoma ‘d bon vin.

L’amor ëd na matòta

fa mach sospiré,

ma ‘l sangh ch’a j’é ‘n cròta

alegher fa sté.

Na’ vòlta a Marieta

mandavo ij basin,

adess a copeta,

ij dago ‘l bochin.

Përchè sagrinesse

darè d’un fodal?

L’é mach arparesse

darè d’ un botal.

La còsa pì bela

ch’as vët ant ël mond

l’é pa la fumela

ma ‘l vin nèir e biond.

Dël vin che sì ‘ndrinta

stassèira a l’han dà

porteme na pinta,

l’a beivo d’un fià.

N’ ora ‘d baldòria

an mess j’ amiss,

a n’ aussa la glòria,

a l’é ‘n paradiss.

Don Ravètt